ಅರ್ಜಿ ಸಲ್ಲಿಕೆಗೆ ಕೆಲವೇ ದಿನ ಮಾತ್ರ ಬಾಕಿ.. ₹1 ಲಕ್ಷ ಸಿಗುವ ಸ್ಕಾಲರ್‌ಶಿಪ್ ಮಿಸ್ ಮಾಡ್ಕೋಬೇಡಿ..!

ಇಂಜಿನಿಯರಿಂಗ್ (B.E / B.Tech) ಪದವಿ ಪಡೆಯುವ ಕನಸು ಹೊತ್ತಿರುವ ಬಡ ಮತ್ತು ಮಧ್ಯಮ ವರ್ಗದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್ (IDFC FIRST Bank) ಭರ್ಜರಿ ಸಿಹಿಸುದ್ದಿ ನೀಡಿದೆ. ತನ್ನ ಕಾರ್ಪೊರೇಟ್ ಸಾಮಾಜಿಕ ಹೊಣೆಗಾರಿಕೆ (CSR) ಅಡಿಯಲ್ಲಿ ‘ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್ ಇಂಜಿನಿಯರಿಂಗ್ ಸ್ಕಾಲರ್‌ಶಿಪ್ ಪ್ರೋಗ್ರಾಂ 2026-30’ ಅನ್ನು ಪ್ರಕಟಿಸಿದ್ದು, ಅರ್ಹ ವಿದ್ಯಾರ್ಥಿಗಳಿಗೆ ವಾರ್ಷಿಕ ಗರಿಷ್ಠ ₹1,00,000 ವರೆಗೆ ವಿದ್ಯಾರ್ಥಿವೇತನ ನೀಡಲು ಆನ್‌ಲೈನ್ ಅರ್ಜಿ ಆಹ್ವಾನಿಸಿದೆ.

ದುಬಾರಿ ಕಾಲೇಜು ಶುಲ್ಕದ ಹೊರೆಯಿಂದ ಪ್ರತಿಭಾವಂತ ವಿದ್ಯಾರ್ಥಿಗಳ ವಿದ್ಯಾಭ್ಯಾಸ ಅರ್ಧಕ್ಕೆ ನಿಲ್ಲಬಾರದು ಎಂಬ ಉದ್ದೇಶದಿಂದ ಈ ಯೋಜನೆ ರೂಪಿಸಲಾಗಿದೆ. ಆಯ್ಕೆಯಾದ ವಿದ್ಯಾರ್ಥಿಗಳಿಗೆ 4 ವರ್ಷಗಳ ಕೋರ್ಸ್ ಮುಗಿಯುವವರೆಗೂ ಈ ಆರ್ಥಿಕ ನೆರವು ಲಭ್ಯವಾಗಲಿದೆ.

ವಿದ್ಯಾರ್ಥಿವೇತನದ ಪ್ರಮುಖ ಪ್ರಯೋಜನಗಳು:

• ಧನಸಹಾಯದ ಮೊತ್ತ: ಆಯ್ಕೆಯಾದ ಪ್ರತಿಯೊಬ್ಬ ವಿದ್ಯಾರ್ಥಿಗೆ ವಾರ್ಷಿಕ ಗರಿಷ್ಠ ₹1,00,000 (4 ವರ್ಷಗಳ ಪದವಿ ಅವಧಿಗೆ).
• ಗಮನಿಸಿ: ವಾರ್ಷಿಕ ₹1 ಲಕ್ಷ ಅಥವಾ ನೈಜ ಕಾಲೇಜು ಶುಲ್ಕ ಇವೆರಡರಲ್ಲಿ ಯಾವುದು ಕಡಿಮೆಯೋ ಆ ಮೊತ್ತವನ್ನು ಬ್ಯಾಂಕ್ ಖಾತೆಗೆ ನೇರವಾಗಿ ಜಮೆ ಮಾಡಲಾಗುತ್ತದೆ.
• ಮುಂದಿನ ವರ್ಷಗಳಲ್ಲಿ ಸ್ಕಾಲರ್‌ಶಿಪ್ ಮುಂದುವರಿಯಲು ವಿದ್ಯಾರ್ಥಿಗಳು ನಿಗದಿತ ಶೈಕ್ಷಣಿಕ ಅಂಕಗಳನ್ನು ಕಾಯ್ದುಕೊಳ್ಳುವುದು ಕಡ್ಡಾಯ.

ಅರ್ಹತಾ ಮಾನದಂಡಗಳು (Eligibility Criteria):

• ಅಭ್ಯರ್ಥಿಯು ಭಾರತೀಯ ಪ್ರಜೆಯಾಗಿರಬೇಕು.
• ಪ್ರಸ್ತುತ 2026-27ನೇ ಶೈಕ್ಷಣಿಕ ಸಾಲಿನಲ್ಲಿ ಪ್ರಥಮ ವರ್ಷದ B.E. ಅಥವಾ B.Tech ಪದವಿಗೆ ಪ್ರವೇಶ ಪಡೆದಿರಬೇಕು.
• ಅಭ್ಯರ್ಥಿಯು ‘FIRST IMPACT’ ಪ್ಯಾನೆಲ್‌ನಲ್ಲಿರುವ (Empanelled colleges) ನಿಗದಿತ ಕಾಲೇಜುಗಳಲ್ಲೇ ವ್ಯಾಸಂಗ ಮಾಡುತ್ತಿರಬೇಕು.
• ಕುಟುಂಬದ ಒಟ್ಟು ವಾರ್ಷಿಕ ಆದಾಯವು ₹6.00 ಲಕ್ಷ ಅಥವಾ ಅದಕ್ಕಿಂತ ಕಡಿಮೆ ಇರಬೇಕು.
• ಅನರ್ಹರು: ಡಿಪ್ಲೊಮಾ, ಅರೆಕಾಲಿಕ (Part-time), ದೂರ ಶಿಕ್ಷಣ (Distance learning) ಅಥವಾ ಡ್ಯುಯಲ್ ಡಿಗ್ರಿ ವಿದ್ಯಾರ್ಥಿಗಳು ಮತ್ತು ಬ್ಯಾಂಕ್ ಉದ್ಯೋಗಿಗಳ ಕುಟುಂಬಸ್ಥರು ಅರ್ಜಿ ಸಲ್ಲಿಸುವಂತಿಲ್ಲ.

ಬೇಕಾಗುವ ಪ್ರಮುಖ ದಾಖಲೆಗಳು:

• ಕಾಲೇಜು ಪ್ರವೇಶಾತಿ ಪುರಾವೆ: ಕಾಲೇಜಿನ ಹೆಸರು ಮತ್ತು ಬ್ಯಾಚ್ ದೃಢೀಕರಿಸುವ ಅಡ್ಮಿಷನ್ ಲೆಟರ್ (Admission Letter).
• ಶುಲ್ಕದ ರಸೀದಿ (Fee Receipt): ಕಾಲೇಜಿಗೆ ಪಾವತಿಸಿದ ಅಧಿಕೃತ ಶುಲ್ಕ ರಸೀದಿ.
• ವಯಸ್ಸಿನ ಪುರಾವೆ: 10ನೇ ತರಗತಿ ಅಂಕಪಟ್ಟಿ, ಜನ್ಮ ಪ್ರಮಾಣಪತ್ರ ಅಥವಾ ಪಾಸ್‌ಪೋರ್ಟ್.
• ಆದಾಯ ಪ್ರಮಾಣಪತ್ರ: ಪೋಷಕರ ಆದಾಯ ಪ್ರಮಾಣಪತ್ರ ಅಥವಾ ಐಟಿ ರಿಟರ್ನ್ಸ್ 143(1) ಪ್ರತಿ.
• ವಿಳಾಸ ಮತ್ತು ಗುರುತಿನ ದಾಖಲೆಗಳು: ಗುರುತಿನ ಚೀಟಿ, ವಿಳಾಸದ ಪುರಾವೆ ಹಾಗೂ ಪಾಸ್‌ಪೋರ್ಟ್ ಅಳತೆಯ ಭಾವಚಿತ್ರ.

ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸುವ ಸರಳ ಹಂತಗಳು:

1. ಅಧಿಕೃತ ಸ್ಕಾಲರ್‌ಶಿಪ್ ಪೋರ್ಟಲ್ Buddy4Study ಗೆ ಭೇಟಿ ನೀಡಿ.
2. “IDFC FIRST Bank Engineering Scholarship Programme 2026-30” ಆಯ್ಕೆ ಮಾಡಿ ‘Apply Now’ ಮೇಲೆ ಕ್ಲಿಕ್ ಮಾಡಿ.
3. ಇಮೇಲ್ ಅಥವಾ ಮೊಬೈಲ್ ಸಂಖ್ಯೆ ಬಳಸಿ ನೋಂದಣಿ (Register) ಮಾಡಿಕೊಳ್ಳಿ.
4. ಅರ್ಹತಾ ಮಾನದಂಡಗಳನ್ನು ಪರಿಶೀಲಿಸಿ, ನಿಮ್ಮ ಮೊಬೈಲ್‌ಗೆ ಬರುವ ಒಟಿಪಿ (OTP) ಮೂಲಕ ವೆರಿಫಿಕೇಶನ್ ಪೂರ್ಣಗೊಳಿಸಿ.
5. ನಂತರ ಸಿಗುವ ಲಾಗಿನ್ ವಿವರಗಳನ್ನು ಬಳಸಿ ಅಪ್ಲಿಕೇಶನ್ ಪೋರ್ಟಲ್‌ನಲ್ಲಿ ವೈಯಕ್ತಿಕ, ಶೈಕ್ಷಣಿಕ ಮತ್ತು ಬ್ಯಾಂಕ್ ವಿವರಗಳನ್ನು ಭರ್ತಿ ಮಾಡಿ.
6. ಕೇಳಲಾದ ಎಲ್ಲಾ ದಾಖಲೆಗಳನ್ನು ಸ್ಕ್ಯಾನ್ ಮಾಡಿ ಅಪ್‌ಲೋಡ್ ಮಾಡಿ, ಅರ್ಜಿಯನ್ನು ‘Submit’ ಮಾಡಿ. (ಅರ್ಜಿ ಸಲ್ಲಿಸಲು Google Chrome ಬ್ರೌಸರ್ ಬಳಸುವುದು ಉತ್ತಮ).

ಪ್ರಮುಖ ದಿನಾಂಕ ನೆನಪಿರಲಿ:

• ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 20 ಸೆಪ್ಟೆಂಬರ್ 2026

ಇಂಜಿನಿಯರಿಂಗ್ ಪ್ರಥಮ ವರ್ಷಕ್ಕೆ ಕಾಲಿಟ್ಟಿರುವ ಮಧ್ಯಮ ಹಾಗೂ ಬಡ ಕುಟುಂಬದ ವಿದ್ಯಾರ್ಥಿಗಳಿಗೆ ಈ ಸ್ಕಾಲರ್‌ಶಿಪ್ ಉತ್ತಮ ಬೆಂಬಲ ನೀಡಲಿದೆ. ಆಸಕ್ತರು ಕೊನೆಯ ದಿನಾಂಕದವರೆಗೆ ಕಾಯದೆ ಕೂಡಲೇ ಅಗತ್ಯ ದಾಖಲೆಗಳೊಂದಿಗೆ ಅರ್ಜಿ ಸಲ್ಲಿಸಿ ಈ ಸೌಲಭ್ಯವನ್ನು ಪಡೆದುಕೊಳ್ಳಿ.